-- ADVERTISEMENT --
PANAY, CAPIZ – Pilason ang 26 anyos nga persona matapos maaksidente sa iya ginamaneho nga motorsiklo sa Barangay Tico, Panay, Capiz.
Ginkilala ang biktima nga si Mark Peter Bering, residente sang Barangay Bailan, Pontevedra.
Base sa inisyal nga imbestigasyon sang Panay Municipal Police Station, pauli na kuntani ang biktima sang nagbungguanay ang motorsiklo sini nga ginamaneho kag ang motorsiklo nga nagasunod sa iya nga ginamaneho sang iya man nga kaupod sa trabaho.
Nag-angkon sang kasamaran sa lawas ang biktima nga gilayon gindala sa ospital agud madapatan sang nagakaigo nga pagbulong.
