Pilason ang isa ka lalaki matapos aksidente nga mabungguan ang trisikol nga nagaparada sa higad sang dalan sa Brgy. Sibaguan, Roxas City.
Ginkilala ang driver sang motorsiklo kay alyas “arven”, yara sa legal nga pang-edaron kag residente sang nasambit nga lugar.
Sa impormasyon nga nakuha sang Bombo Radyo sa Roxas City Police Station, samtang ginasubay ni alyas “Arven” ang dalan gikan sa city proper wala sini matalupangdan ang tricycle nga nagaparada sa kilid sang dalan kun sa diin ang driver sini ang nagakatulog.
Nahibaluan,nga yara ini sa impluwensya sang makahulubog nga ilimnon sang natabo ang aksidente.
Bangud sa natabo, nag-angkon sang kapilasan sa magkatuhay nga lawas ang nasambit nga driver.
Gilayon naman nga ginrespondehan sang katapo sang Capiz Emergency Response Team ang nasambit nga lugar kag gindapatan sang pauna nga pagbulong kag ginpadangat sa malapit nga ospital.
Sa karon,nagapabilin sa isa ka pribado nga ospital ang biktima para sa nagakaigo nga pagbulong.
