ROXAS CITY , CAPIZ – Pilason ang isa ka lalaki matapos mabun-an sang iya kaugalingon nga hinablos sa Barangay Mongpong, Roxas City.
Ang biktima amo si alyas Ben kag residente sang Sitio Dulunan, Barangay Mongpong, Roxas City samtang ang suspek amo si alyas rochie kag residente sang banwa sa Panitan.
Sa interview sang Bombo Radyo kay Police Chief Master Ranil Arcangeles, spokesperson sang Roxas Component City Police Station, iya ginpahayag nga una nga may nagluntad nga pagbaisay sa tunga sang suspek kag sang iya sini nga asawa.
Suno kay Arcangeles, magatambag kuntani ang biktima sa away sang mag-asawa apang sa iya nahalin ang kaingit sini sang suspek kag sila naman ang nagbaisay nga duha tubtob sa natabo na ang pagpangbuno gamit ang ice pick.
Naka-angkon sang pilas sa dughan kag butkon ang biktima nga madasig man nga gindala sa ospital.
Sa subong, nakahunong na sa Roxas Component City Police Station ang suspek samtang ginahulat ang desisyon sang pamilya kun bala magapasaka sang kaso ukon indi.
INTERVIEWED BY: BOMBO ROADNIE DABAN DALANON
