Pilason nga ginpadangat sa ospital ang 59-anyos nga lalaki matapos na-sideswiped sang isa ka motorsiklo nga ginamaneho sang isa ka pulis sa Barangay Nasunuguan, Dao, Capiz.
Ginkilala ang biktima nga si Wilson Odio sang nasambit nga lugar samtang ang nagamaneho sang motorsiklo amo si Patrolman Ruben Ballon 27-anyos sang Barangay Milibili, Roxas City.
Sandig sa imbestigasyon magapadulong kuntani ang pulis nga si Ballon sa banwa sang Dumarao apang sang yara na ini sa Barangay Nasunugan, Dao, hinali nga nagtabuk ang biktima nga yara sa impluwensiya sang makahulubog nga ilimnon rason nga aksidente ini nga nahapit sang motorsiklo.
Gilayon gindala sa ospital si Odio agud madapatan sang nagakaigo nga pagbulong ang naangkon nga mga samad.
Samtang yara karon sa kostodiya sang pulisya sa banwa sang Dao ang motorsiklo ni Ballon.
