Lalaki pilason matapos naaksidente sa ginamaneho nga motorsiklo sa dalanon

Pilason nga ginpadangat sa ospital ang 43-anyos nga lalaki matapos naaksidente sa dalanon ang ginamaneho nga motorsiklo sa Barangay Malocloc Sur, Ivisan, Capiz.

Ginkilala ang biktima nga si Roel Borreros nag-angkon sang kapilasan sa lawas bangud sa aksidente.

Sandig sa imbestigasyon sang pulisya nga gikan sa Sapian ang biktima kag nagapauli na sa ila balay sang naglapaw sa kurbada kag natumba ang motorsiklo sini.

Gilayon nagresponde ang mga katapu sang Municipal Disaster Risk Reduction and Management Office ukon MDRRMO-Ivisan kag gindapatan sang pauna nga pagbulong si Borreros antes gindala sa ospital.

Nahibaluan nga yara sa impluwensiya sang makahulubog nga ilimnon ang biktima sang nagluntad ang aksidente.