-- ADVERTISEMENT --
IVISAN,CAPIZ – Pilason ang isa ka 19 anyos nga lalaki matapos nga naaksidente sa ginamaneho sini nga motorsiklo sa Barangay Sta. Cruz, Ivisan, Capiz.
Ginkilala ang biktima nga si Rio Olorisisimo, 19 anyos sang Barangay Lawaan sining syudad.
Base sa inisyal nga imbestigasyon nga naggikan ang biktima sa Barangay Poblacion, Ivisan kag magapauli na kuntani sa Barangay Lawaan sining siyudad kag sang pag-abot sini sa Barangay Sta. Cruz, Ivisan hinali na lamang nga nagslide sa espalto sang dalan ang ginamaneho nga motorsiklo.
Gilayon man nga gindala sa ospital ang amo nga biktima para dapatan sang nagakaigo nga pagbulong.
