ROXAS CITY – Nagparekord sa Roxas City Police Station ang 34 anyos nga mekaniko matapos nga ginbuno sa isa ka bilasyunan ang iya nga abyan sa Barangay Cagay, Roxas City.
Sandig sa ginpabalhag ni Saldy Besa, 34 anyos, ginbuno ang iya abyan nga si alyas Nathan sang sila ang nagpadulong sa isa ka bilasyunan.
Suno diri nga samtang sila ang nagahampang sang pusoy, nakaangkon sang kinagamo ang biktma kag ang grupo sang suspek nga si alyas Bobot rason nga ginpulihan ini sang wala makilala nga mga kaupdanan sang suspek.
Ginpakamaayo ni Nathan nga magpalagyo apang sa iya pagguwa sa bilasyunan, ginaalegar nga ginbuno ini sang wala makilala nga persona.
Bangud sa naangkon nga pilas tuga sang pagpangbuno, ginpakamaayo na lamang sang abyan nga si Besa nga ipabalhag sa pulisya ang natabo.
