Lalaki, pilason matapos nabun-an sang kaupod sini sa ilimnan sa Brgy. Banica, Roxas

Pilason ang isa ka lalaki matapos mabun-an sang iya kaupod sa isa ka ilimnan sa Brgy. Banica, Roxas City.

Ang biktima amo si alyas Vincente samtang ang suspek naman amo si alyas Romero kag temporaryo nga nagatiner sa amo nga lugar.

Sa interview sang Bombo Radyo kay Police Lieutenant Colonel Rogelio Tomagtang Jr., Officer-in-Charge sang Roxas Component City Police Station, iya ginpahayag may nagluntad nga komprontasyon sa duha  matapos nagpangayo ang suspek sang lighter sa biktima, nga amo ang ginapatihan nga nagtuga sang insidente.

Suno kay Tomagtang, nagkuha sang bato ang biktima kag ginhampak sa ulo sang suspek rason nga ginbalosan ini sang pagpangbuno.

Sa subong, nagdisesyon naman ang magtimbang nga bahin nga mag-aregluhanay.