ROXAS CITY – Pilason ang isa ka mangunguma matapos nga aksidente nabungguan sang isa ka Nissan Van nga salakyan ang ginamaneho nga motorsiklo sa Barangay Amaga, Sigma, Capiz.
Ginkilala ang biktima nga si George Dordas, 50-anyos sang nasambit nga lugar.
Samtang, ginkilala naman ang suspek nga si Victorio Ellana, 39-anyos sang Barangay Rizal, Guimbal, Iloilo.
Base sa inisyal nga imbestigasyon sang Sigma Municipal Police Station, nga magatabok kuntani si Dordas sa amo nga national highway sakay sa Rusi nga motosiklo sang aksidente ini nabungguan sang amo nga salakyan nga may plate no. FAA 2894.
Mahibaluan nga padulong kuntani sa syudad sang Iloilo si Ellana sang natabo ang insidente.
Bangud sa pagkabunggo, nag-angkon sang pilas sa tiil nga porsyon ang biktima nga gilayon gindala sa Mambusao District Hospital para sa nagakaigo nga pagbulong.
Samtang, gilayon naman nga ginkustodiya sa Sigma Municipal Police Station si Ellana.
