Lalaki pilason matapos nga aksidente nga mabungguan sang salakyan sa banwa sang Cuartero

ROXAS CITY-Pilason ang 21-anyos nga soltero matapos nga aksidente nga mabungguan ang ginamaneho nga motorsiklo sa Barangay Bitoon-Ilaya Cuartero Capiz.

Ginkilala ang biktima nga si Junemark Dela Cruz residente sang Barangay Ilas-Norte Dao, Capiz.

Sa inisyal nga imbestigasyon sang Cuartero Municipal Police Station nagaguwa diri nga aksidente nga nabungguan sang nagapaliko nga owner type jeep nga ginamaneho ni Gesel Jorez 44-anyos residente sang Barangay Lawaan, Dumarao Capiz ang biktima.

Bangod diri, nakaangkon sang pilas sa magkatuway nga porsyon sang kalawasan ang biktima.

Samtang gilayon naman nga nahusay ang magtimbang nga kampo matapos nga nagpromisa si Jorez nga bayaran ang kasamaran sa motorsiklo sang biktima.