ROXAS CITY-Pilason ang 18-anyos nga lalaki matapos nga aksidente nga mabungguan sang Mitsubishi Adventure nga salakyan ang ginamaneho nga motorsiklo sa Barangay Tiza, Roxas City.
Ginkilala ang biktima nga si Adrian Fuentes sang Urban Poor, Barangay Milibili sining siyudad.
Sandig sa inisyal nga imbestigasyon sang traffic section sang Roxas City Police Station ginaalegar nga samtang ginasubay sang biktima ang dalanon, aksidente ini nga nabungguan sang salakyan nga ginamaneho ni Carlito Unating, 42-anyos sang San Jose Village , Barangay Tiza sining siyudad.
Bangud sa tuman kabaskog sang impact, ginapahayag nga bumaliskad sa dalan ang biktima.
Nag-angkon naman sang pilas sa magkatuhay nga porsyon sang iya lawas ang biktima nga gilayon naman nga gindala sang Capiz Emergency Response Team (CERT) sa isa ka malapit nga ospital para sa nagakaigo nga pagbulong.
