ROXAS CITY-Pilason ang 24-anyos nga lalaki matapos ginaalegar nadulaan sang kontrol sa ginamaneho sini nga motorsiklo sa Malipayon Village, Barangay Tiza, Roxas City.
Ginkilala ang biktima nga si Crisvic Dacles sang Sitio Patag, Barangay Lawaan, sining siyudad.
Sandig sa inisyal nga imbestigasyon sang Traffic Section sang Roxas City Police Station nagaguwa nga samtang ginasubay sang biktima ang dalanon aksidente na lamang ini nga nadulaan sang kontrol sa manibela kag bumunggo ang motorsiklo sa gutter.
Nag-angkon naman sang pilas sa magkatuhay nga porsyon sang kalawasan ang biktima.
Samtang, naguba man ang pila ka mga porsyon sang motorsiklo.
Ginaalegar nga bangud sa madanlog nga dalanon tuga sang mamunog nga pag-ulan ang kabangdanan sang pagkaaksidente sang nasambit nga biktima.
