ROXAS CITY – Pilason ang isa ka 37-anyos nga lalaki matapos nga ginaalegar aksidente na side-swipe ang iya ginamaneho nga motorsiklo sa Barangay Cogon, Panay, Capiz.
Ginkilala ang biktima nga si Gerald Billones 37-anyos sang Barangay San Pedro, Pontevedra, Capiz.
Base sa inisyal nga imbestigasyon sang Panay PNP nga samtang ginasubay sang biktima ang dalanon gikan sa banwa sang Panay kag papuli na kuntani sa ila lugar sang hinali na lamang ini nga na-side swipe sang motorsiklo nga ginamaneho ni Jerome Esconde 29-anyos sang Barangay Poblacion Ilaya sang amo nga banwa.
Bangud diri, natumba ang motorsiklo sang biktima rason nga nag-angkon ini sang mga pilas sa lawas nga gilayon naman gindala sa Bailan District Hospital agud dapatan sang nagakaigo nga pagbulong.
Nahibaluan nga yara sa idalom sang impluwensya sang makahulubog nga ilimnon ang suspek sang natabo ang aksidente.
Samtang, gilayon naman nga ginkustodiya sa Panay PNP si Esconde kag ang duha ka mga motorsiklo para sa nagakaigo nga disposisyon.
