ROXAS CITY – Pilason ang isa ka 68-anyos nga persona matapos nga ginaalegar ginlabo sa Barangay Lonoy, Sapian, Capiz.
Ginkilala ang biktima nga si Robinson Lesio sang nasambit nga lugar.
Base sa inisyal nga imbestigasyon sang Sapian PNP nga samtang nagainom hinali na lamang nga nag-angkon sang mainit nga komprontahanay sa tunga sang biktima kag suspek nga si Sunny De Juan 32-anyos sang amo man nga lugar.
Bangud diri, hinali na lamang nga nagkuha sang sanduko ang suspek kag ginaalegar nga ginlabo ang biktima.
Nag-angkon naman sang pilas sa nawala nga porsyon sang ulo ang biktima nga gilayon naman gindala sa Mambusao District Hospital agud dapatan sang nagakaigo nga pagbulong.
Samtang, nakahunong na karon sa karsel sang Sapian Municipal Police Station ang nasambitan nga suspek.///END
