ROXAS CITY-Pilason ang 55-anyos nga mister matapos nga ginbuno sa Barangay Santa Rita, Dumalag Capiz.
Ginkilala ang biktima nga si Jolito Latosa residente sang nasambit nga lugar.
Sandig sa imbestigasyon sang Dumalag Municipal Police Station nagaguha nga magkaupod inom ang biktima kag suspek nga si Niño Fantilaga, 34-anyos residente man sa amo nga lugar, sang may nagluntad nga pagbinaisay sa tunga sang suspek kag biktima kun sa diin ginaalegar nga ginkuha sang suspek ang kutsilyo nga nakabutang sa ibabaw sang lamesa kag ginbuno ang biktima.
Nag-angkon sang pilas sa kilid sang lawas ang biktima nga gindala sa ospital apang ginsaylo sa Roxas Memorial Provincial Hospital.
Samtang nakahunong na sa karsel sang Dumalag Municipal Police Station ang amo nga suspek.
