-- ADVERTISEMENT --
ROXAS CITY -Pilason nga gindala sa ospital ang isa ka lalaki matapos nga na-aksidente sa motorsiklo nga nasakyan sa Corner Taft kag Legaspi Street Barangay III, Roxas City.
Ginkilala ang biktima nga si Alvin Bagona sang Sitio Takilid, Barangay Baybay sining siyudad.
Base sa pagpangusisa sang Bombo Radyo sa mga nakakita nga samtang ginasubay sang biktima ang nasambit nga dalanon, hinali na lamang nga nabugto ang kadena sang iya motorsiklo rason nga nadulaan ini sa kontrol kag natumba.
Bangud diri, nag-angkon sang pilas sa lawas ang biktima nga gilayon naman gindala sang Capiz Emergency Response Team ukon CERT sa pinakamalapit nga ospital agud dapatan sang nagakaigo nga pagbulong.
