ROXAS CITY, CAPIZ- Pilas sa liog ang naangkon sang isa ka lalaki sang aksidente ini nga nasalawig sang kable samtang nagamenho sang motorsiklo sa karsadahon sang Arnaldo Boulevard, Roxas City.
Sa interview sang Bombo Radyo kay alyas Toto, iya ginpahayag nga tuman gid ang iya nga kabalaka bangud nga kahuna nya, nadutlan gid sang kable ang iya nga lihog, apang pasalamat ini nga indi man sang tuman ka dalom ang naangkon nga pilas.
Bangud sa natabo, gilayon ini nga nagpadulong sa ospital agud nga ipabulong ang iya liog.
Nagapanawagan ini sa subong sa natungdan sang amo nga kable nga suno sa iya kaangay sang sa internet cable, nga kuntani i-tsekyar ang mga linyada sini kag kuntani, buligan man sya sa pinansyal nga maskin inogbakal nya nalang sang bulong para sa pagpaayo sang iya pilas nga naangkon.
Sa subong, yara na sa istable nga sitwasyon si alyas Toto apang padayon nga nagapaayo sang iya nga pilas sa liog.
Interviewed by Bombo Francis Biñas
