Lalaki preso, matapos nangawat para may pangbakal bulak sa iya nobya sa valentines day

Naremalaso ang plano nga Valentine’s Day date sang isa ka lalaki  sa nga iya nobya bangud yara ini sa presohan.

Ang amo nga lalaki ang gin-aresto sang mga otoridad, matapos ginkawat ang cellphone sang isa ka babaye sa Brgy. Roosevelt, Dinalupihan, Bataan.

Suno sa suspek, ginhimo niya ang pagpang-agaw agud may kwarta siya para date sang iya nobya  kag makabakal bulak para sa  Valentine’s Day.

Narekober naman ang cellphone nga nagabalor kapin P5,000 kag nabalik sa tag-iya.

Apang bisan nabawi na ang gamit, desidido gihapon ang biktima nga magpasaka sang kaso nga robbery batok sa suspek.