Arestado ang isa ka lalaki matapos nga magtuyo nga magpalusot sang masobra 100 ka buhi nga mga man-og sa mainland China.
Ginbutang sang suspek ang mga ini sa iya nga pantalon sang ginsita ini sang mga customs officers sang Shenzhen.
Natabo ang insidente sa Futian Port, ang checkpoint sa tunga sang Hong Kong kag mainland China.
Sa imbestigasyon sang mga otoridad, nakit-an nila ang anom ka canvas drawstring bags nga selyado sang tape kag nakabutang ini sa bulsa sang iya pantalon.
May kabug-usan nga 104 ka nagkala-in-lain nga sahi kag color sang mga man-og kag pila sa mga sahi sini amu ang milk snake, western hognose snake, corn snake, Texas rat snake kag bullsnake.
Sadtong nakaligad nga bulan naman, isa ka lalaki ang naaresto sang magtuyo man nga magpalusot sang 454 nga endangered nga mga pawikan nagikan sa Macau kag padulong sa mainland China.
