Nagpatrolya ang mga forest ranger sa Kaeng Hat Oi Forest sa probinsya sang Phitsanulok sa Thailand sang nadakpan nila ang isa ka makaduluda nga pamatan-on nga lalaki bangud sang sunod-sunod nga report sang sunog sa lugar.
Ang lalaki may dala nga lighter kag wala sang matinlo nga rason kun ngaa yara siya didto, gani gindala siya police station agud kwestyunon.
Pag-abot sa estasyon sang pulis, ang lalaki nga gin-identify bilang si Matina, nag-ako nga siya ang nag-umpisa sang sunog sa Kaeng Hat Oi Forest para sa iya kalingawan.
Bangud sini, ginpasa siya sang mga ranger sa Chat Trakan Police Station para sa legal nga proseso, kun sa diin ginpasakaan siya sang kaso may kaangtanan sa pagsunog sang natural resources.
Sa subong, preso na ini kag handa man siya nga atubangon ang nagakaigo nga kaso batok sa iya
