Isa ka lalaki ang ginmultahan kag ginsentensyahan matapos natukiban nga ginhanas niya ang iya hinuptanan nga ido sa paghaboy sang basura sa indi otorisado nga mga lugar.
Sa ginpaguwa nga kuha sang CCTV sang environmental unit sang municipal police sa Catania, maathag nga makita ang isa ka ido nga nagakaon sang plastic trash bag.
Amat-amat sini nga ginhulog ang mga basura sa higad sang dalan antes madasig nga nagbalik sa orihinal nga lokasyon.
Matapos mausisa sang maayo ang nakolekta nga mga video, kumbinsido ang mga pulis nga ang sulit-sulit kag kalkulado nga aksyon sang sapat ang nagapamatuod nga hungod nga ginhanas ini sang tag-iya nga himuon ang ilegal nga aktibidad bilang trick para sa mga security camera.
Sa idalum sang istrikto nga kasuguan sang Italy, ang sin-o man nga madakpan nga nagahaboy sa mga pampubliko nga lugar nga wala sang pahanugot ang mahimo mamultahan sang 1,500 tubtob 18,000 euros (ginbulubanta P88,000 tubtob masobra P1.06 million).
Apisar nga wala sang partikular nga kasuguan nga nagahatag sang kahulugan sa mga ido nga nagakalat snag basura, madasig nga nakilala sang mga pulis ang tag-iya kag gilayon nga ginpanabat sa krimen sang iya hinuptanan.
