Sa sulod sang tatlo ka tuig, gintago sang lalaki ang bangkay sang iya iloy nga si Graziella Dall’Oglio, 82-anyos sa ila laundry room. Ginputos niya ini sa habol kag sleeping bag tubtob nga na-mummify ang bangkay.
Agod indi makita kag padayon nga nagaabot ang pension, gin-ilog niya ang hitsura sang iya iloy. Ginkiskisan niya ang iya buhok sa lawas, nagbutang siya sang makeup, lipstick, kag nail polish, kag nagsuksok sang malaba nga palda kag mga perlas.
Apang wala magdugay, Natukiban ang modus sang nagkadto ini sa opisina sang gobyerno agud i-renew ang ID card sang iya iloy. Gilayon nga nagduda ang staff bangud sa iya madamol nga liog, nawong, kag tingog nga kon kaisa nangin lalaki.
Sang ginkadtuan sang mga pulis ang ila balay, nakit-an ang nagakaagnas nga bangkay ni Graziella.
Ginabulubanta nga ang lalaki nagakita sang €53,000 (katumbas sa kapin sa 3.3 milyon ka pesos) kada tuig gikan sa pension kag kita sang mga propiedad sang iya iloy.
Sa subong, nagapangatubang na ini karon sang kaso nga concealing a body kag benefit fraud.
