Isa ka 40-anyos nga lalaki sa Taiwan ang nagpakigbahin sang iya eksperyensya matapos nga na-diagnose nga may brain hemorrhage pila ka bulan matapos nga nagsakay siya sa high-speed roller coaster sa Ferrari World Abu Dhabi.
Suno sa iya, nabatyagan niya ang paglingin sang ya ulo pagkatapos sang ride apang wala niya ini ginsapak.
Sang nagpauli siya sa Taiwan, naka-eksperyensya ini sang pabalik-balik nga pagsakit sang ulo tubtub nga natumba kag gilayon nga gindala siya sa ospital.
Didto na nga nahibaluan niya ga na-diagnose siya nga may brain hemorrhage kag kinahanglan nga operahan.
Suno sa mga doktor, posible nga may kaangtanan ang mabaskog nga pwersa sang roller coaster, apang ini nga kaso talagsa lang kag masami resulta sang risgo sang mga indibidwal nga may mataas nga presyon sang dugo ukon kaluya sang utok.
