Sa South Korea may yara sang pinasahi nga kompetisyon sa diin ang talaksan indi ang kusog ukon intelihensya kundi tubtob san-o ka makapabilin nga wala sang ginahimo.
Kag sini nga tuig, si Byung-jin Park, 36-anyos, isa ka negosyante kag indie punk musician gikan sa Seoul, ang ginhingadlan nga kampeon.
Sa 2025 Space-Out Competition, gindaug ni Park kag sang iya grupo ang masobra 100 ka mga kakompetensya.
Simple lang ang mga pagsulundan: wala sang cellphone, wala nagahambal, wala nagatulog, 90 minutos lang nga wala nagahulag.
Ang kahiwatan ginsuguran sang 2014 sang visual artist nga si Woopsyang bilang protesta batok sa burnout.
Ginahiwat ini kada tuig sa Han River kag ginatan-aw sang linibo ka tumalan-aw. Ang mga partisipante nagasuksok sang heart rate monitor kag ang pinakakalmado nga tawo ang gindeklarar nga nagdaug.
Suno kay Park, daw kaangay nga nadula ang iya lawas samtang ginahimo ang challenge.
Ang iya sekreto: mahinay nga pagginhawa, pagconcentrate, kag pagdula sang mga ginapaminsar.
Suno naman kay Dr. Hanson Park sang Seoul National University, ang paghipos isa ka daku nga bulig sa pagbuhin sangstress, anxiety kag depression.
