Lalaki wala nadayon sa date matapos nautdan sang tudlo sa Valentine’s day

ROXAS CITY-Ginabasol sang isa kamotorcycle rider ang iya nga motorsiklo matapos wala nadayon ang Valentine date kahapon.

Ini matapos nahukas ang kadena sang iya motorsiklo samtang padulong ini sa ila date place sang iya mahal sa kabuhi.

Nahibaluan gikan kay certain Rey sang Roxas City nga excited pa ini kahapon na Valentine’s Day apang wala ginalauman nga makaangkon sang aberya ang ginamaneho nga motorsiklo, rason nga ginpundo niya ini sa kilid sang karsada.

Sa pagdali nga makapadulong sa kaladtuan, wala na ginpatay sang biktima ang iya nga motorsiklo kag gilayon nga ginkaayo ang kadena.

Apang ginkakibot na lamang sang biktima sang hinali nga naghulag ang kadena tobtob nagpilit ang isa sini ka tudlo nga gintunaan para ini ang mautod.