Landslide, nag-igo sa southwest China; Search and rescue operation, nagapadayon

Pila ka mga residential buildings ang nalubong kag wala pa mahibaluan nga kadamuon sang mga tawo ang na-trap kasunod sang landslide sa Southwestern Chinese city sang Chongqing.

Suno sa mga report, walo ka tawo ang naluwas gikan sa mga debris samtang nagapadayon ang Search and rescue operations.

Natabo ang Landslide alas 9:08 sang aga sa Pengshui County, Chongqing.

Ang nasambit nga county ang makit-an sa southeast part sang Chongqing, nga may border sa mga probinsya sang Hubei kag Guizhou.

Sa subong, wala pa sang detalye angut sa narekord nga casualties sa nasambit nga insidente.