Ginreport sang mga awtoridad sa Cuba nga nagtibusok na ang ila nga national electric grid sang Lunes (adlaw sa Cuba) nga nagtuga sang malapnagon nga blackout nga nakaapekto sa halos 10 million ka mga residente sa bug-os nga isla.
Ang insidente natabo sa tunga sang tam-an nga oil blockade nga ginpatuman sang Estados Unidos sang Amerika nga ginatudlo rason sa paglala sa generation system sang pungsod.
Sa subong, gina-imbestigaran na kun ano gid ang kabangdanan sang pagtibusok sang grid, matapos ang asud-asod nga dalagkuan nga outage nga nagdugay sang pila ka adlaw.
Sandig sa gobyerno, wala anay nila ginabasol ang pagkaguba sang mga dalagkuan nga planta sang kuryente, kundi mahimo daw nga problema sa transmisyon ang rason sang pagkaguba.
Nahibaluan nga ang oil blockade sang Amerika ang nagresulta sa pag-pauntat sang mga fuel imports sa sulod sang pila ka bulan sa pungsod matapos nga napreso si Venezuelan President Nicolás Maduro nga isa sa mga nagasuporta sa Cuba para magpadala sang suplay sang langis.
Sa subong nagasalig ang Cuba sa Mexico kag Jamaica nga nagdul-ong sang limitado nga suplay sang langis subong nga tuig.
Samtang, amat-amat na liwat nga nabalik ang pila ka mga magagmay nga bahin sang hook‑up sang kuryente, apang nagapabilin sa gihapon ang dako nga mga pagpanghangkat para mabalik ang bilog nga grid kag mapabilin ang supply sang kuryente.
