Nagkasa sang prayer vigil ang pila ka Catholic churches nagikan sa nagkalain-lain nga bahin sang kalibutan kadungan sang paglain sang kondisyon ni Pope Francis.
Matandaan nga sadtong Pebrero 23, sang kumpirmahon sang Vatican nga yara sa kritikal nga kondisyon ang Santo Papa matapos makaeksperyensya sang respiratory attack bangud sa kadamuon sang oxygen kag blood transfusions dala sang pneumonia.
Matandaan nga sadtong Pebrero 14 sang ma-confine sa Rome Gemelli Hospital ang 88-anyos nga Santo Papa.
Bangud sini, nagkalain-lain nga Catholic churches ang nagpanawagan nga ipangadi ang kondisyon sini.
Sa isa ka cathedral sa Buenos Aires, Argentina kung sa diin kaisa na nga nangin arsobispo si Pope Francis, isa ka dako nga TV screen ang ila ginkabit agud ipabugal ang mga nahimo sang Santo Papa nga ginhatagan pa sang special mass.
Nagpatigayon man sang misa para sa Santo Papa ang Pilipinas sa Manila Cathedral sang damlag lang kadungan sang panawagan sang Catholic Bishops Conference of the Philippines (CBCP).
Isa man ka misa ang ginpatigayon sa Canada sa pagpanguna sang Canadian Conference of Catholic Bishops (CCC).
Sa pihak sang dako nga kinalain sa pagpati kag relihiyon pila ka simbahan nga nagikan naman sa Iraq ang nagpalab-ot sang pangamuyo para kay Pope Francis.
Naghatag man sang ila tagsa ka pangamuyo para sa ikaayong lawas sang Santo Papa kag liwat sini nga pagpanumbalik sa apostolic duty ang mga pungsod kaangay sang Uruguay, Mexico, Chila, Pero, Nicaragua kag Brazil.
