-- ADVERTISEMENT --
Isa ka lapsag nga babaye ang ginbun-ag sang isa ka iloy sa Sitio Buri, Barangay San Antonio sa banwa sang Cuartero matapos ginbuligan sang mga katapo sang Bureau of Fire Protection San Antonio – Sub Station.
Nahibaluan, nga tuman kalayo ang lugar amu nga rason nga naalangan nga makaabot sa ospital ang iloy agud magbata nga ginkilala kay alyas Jean, 29-anyos.
Gilayon nga ginbuligan ang amo nga iloy nanday FO2 Kim John Urdas kag FO2 Arvin Ebron nga makabun-ag sang lapsag.
Dako naman ang pagpasalamat sang pamilya sang ginang sa mga bumbero nga nagresponde.
