Lapsag, lakip sa mga na-rescue sa linog sa Venezuela

Isa ka lapsag kag duha ka 11-anyos nga mga kabataan ang nalakip nga nasalbar sang mga international rescue team sa guba nga building sa Venezuela pila ka adlaw matapos nagluntad ang duha ka mabaskog nga linog.

Sa video nga gin-share sang US State Department, makit-an ang pagluwas sa isa ka baby nga himala nga buhi pa nga nakuha halin sa idalom sang naguba nga building.

Samtang  isa man ka 11-anyos nga lalaki ang ginluwas sang rescue team sa Colombia matapos siya makita sa halos tatlo ka metros nga kadalumon sang mga naguba nga debris.

Nakaangkon ini sang injury sa kamot kag gilayon nga gindala sa ospital.

Samtang ang pa ka 11-anyos nga bata nasalbar man sang rescue team halin sa Mexico sa banwa sang Caraballeda.