-- ADVERTISEMENT --
ROXAS CITY –Patay ang walo ka bulan nga lapsag matapos maigo sang bala sang holen gun nga ginagamit sang kaugalingon nga amay sa paghunting sang mga pispis Barangay Calaan, banwa sang Panit-an, Capiz.
Emosyunal ang amay kag lubos ang paghinulsol ni Nilo Celoso 26-anyos bangud sa iya pagpangtiro sang pispis kabuhi sang anak ang nangin kabaylo.
Nahibaluan nga kinaandan na ni Celoso ang magpanghunting sang pispis gamit ang holen gun apang sa malain nga palad sa pagtiro sini sa pispis nagsentro ini sa kahoy kag nagbalik ang bala nga aksidente nga nag-igo sa ulo sang anak.
Gilayon nga gindala sa ospital ang lapsag apang pagkaligad sang pila ka oras, ginbawian ini sang kabuhi.
