ROXAS CITY – Gindul-ong na sa iya katapusan nga palahuwayan ang isa ka pulis nga kalakip sa apat ka mga napatay sa pagkahulog sang dump truck nga ginasakyan sang 6O1st Mobile Force Company sang Regional Mobile Force Battalion 6 sa Barangay Ginomoy, Alimodian, Iloilo.
Napuno sang emosyon ang pagdul-ong sa katapusan nga palahuwayan kay late Patrolman Rex Agupitan sa Mt. Zion Cemetery.
Una nga nagpatigayon sang necrological service nga ginsundan sang misa antes ang dalayon nga pagtunod kay late Agupitan.
Naghalad man sang 21-gun salute para sa napatay nga pulis.
Magluwas sa malapit nga pamilya kag mga abyan, nagtambong man ang mga kaupdanan sa serbisyo ni Agupitan kag mga kaupod sini sa natabo nga aksidente sang damlag lang.
Mahibaluan nga isa si Agupitan sa apat ka mga pulis nga napatay sa nasambit nga aksidente.
