Ginkwestyon sang isa ka law expert ang daw kaangay nga pag-alang-alang ni former OVP Special Disbursing Officer Gina Acosta nga magsabat sa Tagalog sa iya pag-atubang sa impeachment trial ni Vice President Sara Duterte.
Sa interview sang Bombo Radyo kay Atty. Suno kay Ephraim Cortez, president sang National Union of Peoples’ Lawyers, iya ginpahayag nga posible isa ka estratehiya ang pag-utal-utal ni Acosta samtang ginasabat ang mga palamangkutanon sang mga abogado.
Suno kay Cortez, talalupangdon ang pamatasan ni Acosta bangud una ini nga tion nga nagpakita sa hearing sang Kamara, gani dapat nga pamilyar siya sa mga palamangkutanon angut sa paggamit sang confidential funds.
Pahayag pa niya, kaangay nga posible naga-inarte lang ang anay opisyal sang OVP sa iya sabat sa impeachment trial.
Nahibaluan nga gindeklarar nga hostile witness si Acosta sang Senate impeachment court kag padayon nga gina-usisa angut sa gina-alegar pagpaguwa sang confidential funds sang Office of the Vice President.
