Ginpahanumdom sang isa ka law expert ang mga kaangay sini nga mga abogado nga yara sa prosecution kag defense sa impeachment trial nga maghalong sa mga pahayag, ilabi na ang mga ginapagwa sa social media.
Kasunod ini sang kontrobersiya sa social media post ni private prosecutor nga si Atty. Amando Virgil Ligutan.”
Matandaan nga ini ang gincall-out ni defense lawyer Atty. Sheila Sison, nga nagsiling nga indi nagakaigo ang kaangay nga post samtang nagapadayon ang impeachment trial.
Sa interview sang Bombo Radyo kay National Union of Peoples’ Lawyers (NUPL) President Atty. Ephraim Cortez, iya ginpahayag nga ang pahayag ni Ligutan isa lamang ka pangkabilugan nga pahayag kag wala ini sang partikular nga ginsambit nga pangalan ukon abogado. Bangod sini, wala ini nagakahulugan nga may direkta ini nga epekto sa pagbista mismo.
Suno kay Cortez, importante para sa mga abogado nga mangin balanse sa tunga sang ila freedom of expression kag ang kinahanglanon man ang impartiality sang mga paghusay.
Gin-athag man sang natungdab ang kabahin sang proseso sang trial ang mga objection, lakip na ang objection sa mga pamangkot nga wala nagasanto sa Rules of Evidence.
