ROXAS CITY – Kapaslawan sa paghigugma ang ginatudlo rason sa pagluthang sa kaugalingon sang 28-anyos nga law student sa sulod sang ila balay sa Barangay Poblacion Tabuc, Mambusao.
Ginkilala ang biktima kay Ron Kavin Lamayo sang nasambit nga lugar.
Nagaguwa sa inisyal nga imbestigasyon sang Mambusao PNP yara sa sulod sang hulot ang biktima sang makabati sang lupok sang pusil ang iya nga pamilya.
Gilayon nila nga ginsulod ang hulot sa diin nakita nila nga duguan kag nagahigda na sa salog ang biktima kag ginauyatan pa sini ang .45 caliber pistol.
Nahibaluan nga ginsulod sang biktima ang pusil sa iya bibig antes ginpalupok sa diin naglusot ang bala sa iya nga tangkugo.
Sa karon tuman ang pagpangasubo sang pamilya sang biktima nga wala pa nabaton ang pagkamatay sang ila himata.
