Magahimo sang kasaysayan ang Broadway kag international theatre icon nga si Lea Salonga bilang labing una nga Pinay nga makabaton sang iya kaugalingon nga star sa Hollywood Walk of Fame sa Setyembre 4.
Pagapasidunggan si Lea sang ika-2,855 nga star sa Hollywood Boulevard, sa atubang sang The Pantages Theatre, sa isa ka seremonya nga ginapangunahan sang Emmy Award-winning journalist nga si Sibley Scoles.
Mangin guest speaker naman ang aktres kag kaupod nga Walk of Famer nga si Ming-Na Wen, nga nagtrabaho upod kay Lea sa Disney animated film nga Mulan, kon sa diin siya ang singing voice ni Mulan.
Suno sa Hollywood Chamber of Commerce, ginakilala si Lea bilang isa ka trailblazer nga naghatag inspirasyon sa bug-os nga kalibutan paagi sa iya talento kag malawig nga theater career.
Magluwas sini, pasidunggan man si Lea sang Icon Award sa Manila International Film Festival sa Beverly Hills, California, samtang kilala man ini sa Tony Award-winning performance bilang Kim sa Miss Saigon.
