-- ADVERTISEMENT --
Naghimo sang kasaysayan ang actress kag singer nga si Lea Salonga bangud nangin pinakauna nga Pilipino nga ginpasidunggan sang star sa Hollywood Walk of Fame.
Ang Broadway icon ginhatagan sang 2,855th star sa Hollywood Boulevard sa Los Angeles, California, bilang pagkilala sa iya mga kontribusyon sa Broadway kag musical theater.
Kilala si Lea sa iya pag-acting sa Broadway kag bilang singing voice ni Princess Jasmine sa isa ka animated films.
Siya man ang una nga Pilipino kag Asian nga nagdaug sang Tony Award for Best Actress in a Musical para sa “Miss Saigon,” magluwas sa pagdaug sang Laurence Olivier Award.
