BANGLADESH – Nagpanaog sa pwesto ang interim leader sang Bangladesh nga si Muhammad Yunus kag ginhatag na ang gahum sa elected government.
“Today, the interim government is stepping down,” suno sa 85-year-old Nobel Peace Prize winner.
Gindayaw ni Yunus ang pagpakigbato sang mga kabataan nga nagpahalin sa anay Prime Minister nga si Sheikh Hasina kag nagpanawagan ini nga ipadayon ang demokrasya kag kahilwayan.
Nagdaog ang Bangladesh Nationalist Party sa pagpanguna ni Tarique Rahman, sa nagligad nga eleksyon pinaagi sa landslide victory.
Nahibaluan nga gin-aprubahan sang national referendum ang major democratic reforms, lakip na ang term limits kag mabaskog nga institusyon, apang pending pa ang final ratification.
Sa pihak sang banggianay sa politika sang nagligad nga campaign season, nangin matawhay ang pagbinotohay kag gin-abi abi sang pungsod ang pag-ilis sang gobyerno.
