Nagpadulong sa Capiz ang League of Tourism Officers sang Lanao del Norte agud matun-an ang cultural governance sang probinsya.
Sa interview sang Bombo Radyo kay Alfonsus Tesoro, Head sang Provincial Tourism and Cultural Affairs Office, iya ginpahayag nga magalibot ang nasambit nga grupo sa sulod sang tatlo ka adlaw agud makita kag ma-eksperyensya ang kultura kag turismo sa nagkalain-lain nga bahin sang probinsya sang Capiz .
Suno kay Tesoro, tinutuyo sang ila pagpadulong sa probinsya sang makakuha sang ideya nahanungod sa cultural governance nga mahimo man nga i-adapt ukon -ireplicate sa ila pagbalik sa Lanao del Norte.
Nahibaluan nga sang damlag lang, nakabaton ang probinsya sang Capiz sang mga awards nagikan sa Association of Tourism Officers Pearl Awards kasubong sang Best tourism Oriented Local Government Unit,Best Institutionalized Culture and Arts Program kag Best Cultural festival – Provincial Level.
Pahayag pa niya, mainit man nga gin-abi-abi sang provincial government ang nasambit nga grupo sa pagpanguna ni Capiz Governor Fredinil Castro.
Dugang pa sang natungdan, ang pagpadulong sang League of Tourism Officers sang Lanao del Norte ang isa ka pamatuod sa padayon nga pag-uswag sang turismo kag kultura sa probinsya san Capiz.
Interviewed by: Bombo Francis Biñas via Zona Libre
