Nagpanawagan si Batangas 1st District Representative Leandro Leviste sa Office of the President nga imbestigaran ang mga ginreport nga pagpakamalaut sa paghatag sang ayuda.
Sa isa ka pagsinapol subong nga Biyernes sa House of Representatives, ginpahayag sang mamalidha nga may isa ka kapitan nga ginhambalan sang presidente sang Liga ng Barangay sa Batangas nga indi sila lakip sa mabaton sang ayuda bangud “nagasunggod” sa ila si Vilma Santos-Recto.
Suno sa kongresista, napalab-ot na nila ang amu nga isyu sa Malacañang kag ginpasalig naman sang Palasyo nga ipalagas ang ₱200,000 para sa mga barangay nga wala napilian sa pagpanagtag sang ayuda subong nga adlaw.
Dugang pa nga nagpanawagan si Leviste kay President Ferdinand Marcos Jr. nga ihatag ang nasambit nga kantidad sa mga barangay nga wala nadala kag imbestigahan ang pagpanagtag sang ayuda nga ginapangunahan ni Ralph Recto.
