Sa edad nga 39-anyos, nagapabilin nga sapat sa sulod sang basketball court si LeBron James.
Mahibaluan nga nagpakita sang sunod nga triple double si LeBron, pinakahuli ang 15-16-12 points-rebounds-assists output sa 120-115 victory sang Los Angeles Lakers kontra San Antonio Spurs.
Samtang, nagpanguna naman sa atake sang Lakers si Anthony Davis matapos ang ginpakita nga 40 puntos kaupod ang 12 rebounds batuk kay Victor Wembanyama.
Nag-amot man si Davis sang 14-for-26 shooting kaupod ang duha ka tres, kag nadugang pa sini ang 10 sa 12 sa free throw line.
Wala naman nagpabaya ang last season Rookie of the Year nga si Wembanyama sa ginkolekta nga 28 points matapos ginkuha ang 14 boards.
Bangud sini, nagsaka na sa 8-4 nga baraha ang Lakers para sa solo fifth place sa Western Conference, pang-apat nga dikit nga sang NBA Cup defending champs.
