Posible nga manabat ang mga legal counsel ni anay Bamban, Tarlac Mayor Alice Guo kun mapamatud-an nga nakaguha na ini sang Pilipinas sang gin-file ang iya counter-affidavit sa Commission on Elections.
Suno kay Comelec Chairman George Erwin Garcia, kun matuod nga wala na sa pungsod si Guo sang wala nga anuman nga intensiyon nga magbalik ngaman pa suno diri naghinyo ang iya legal counsel sang extension halin sa poll body para sa pagsumiter sang iya nga counter-affidavit.
Dugang pa sini, ini ang contemptuous ukon insulto pareho sa gahum sang korte kag sang komisyon.
Nagapati man si Garcia nga may ikasarang ang mga abogado ni Guo nga magsumiter sang counter-affidavit sang ila nga kliyente para indi maabutan sang nakatalana nga deadline sang Setyembre 3 kun gustuhon sang mga ini.
Sa karon, wala pa nabaton sang Comelec ang nasambit nga dokumento gikan sa kampo ni Guo.
Dugang pa ni Chairman Garcia nga indi na sila maghatag pa sang panibag-o nga extension para kay Guo para mag-file sang counter-affidavit kaangut sa misrepresentation complaint batuk sa iya sa Comelec nga nag-ugat sa pagbinutig sini sa iya nga kandidatura sang nagdalgan ini bilang alkalde sang Bamban sang 2022 elections.
Pahayag pa sang opisyal, ginhatagan na nila sang tsansa si Guo nga maghatag sang sabat sa komisyon kag nakadepende na suno diri sa Comelec Law Department para sa pinal nga rekomendasyon kag ginasiguro man sa publiko nga gilayon nga paga-aksyunan sang Comelec en banc kun anuman ang mabaton sini desisyon.
