Legal counsel ni VP Sara Duterte, ginpakigbahin ang masunod nga tikang sa tion nga matapos ang pre-trial conference

Ginpaathag man ni Atty Michael Poa ang masunod nga mga tikang sa tion nga matapos na ang pre-trial conference sa impeachment case ni Vice President Sara Duterte.
‎
‎Suno kay Poa, kasunod sang pagmarka sang mga ebidensya kag pagsumite sini sa impeachment court, magapagwa sang pre-trial order ang korte.
‎
‎Dugang pa niya, ang House prosecution panel kag ang defense team ang kinahanglan pa nga magsumite sang mga komento sa mando.
‎
‎Pahayag pa ni Poa, indi pa makabig nga delayed ang impeachment proceedings bangud sa Hunyo 25 pa ang deadline sang pre-trial conference.