Ginpaathag sang isa ka legal expert ang mga rason kun ngaa hugot ang pagsulondan sang International Criminal Court (ICC) sa The Hague, Netherlands may kaangtanan sa pagdumili sang pagbisita sa mga detainees apisar nga Holiday season.
Nahibaluan nga si former President Rodrigo Duterte ang nagapabilin sa ICC detention facility kag wala ini sang kaupod nga pamilya sa Paskwa kag New Year.
Sa interview sang Bombo Radyo kay Atty. Joenar Pueblo, Presidente sang Philippine Arbitration Center in the Visayas, iya ginpahayag nga maathag kag hugot nga ginapatuman ang pagsulondan sang korte sa detention kag visitation agud mapabilin ang security kag procedural fairness.
Suno kay Pueblo, ang ICC detention center ang ginakonsidera nga highly secure facility sa diin madamo sang mga detainees ang impluwensyado, may kwarta kag may mga bastante nga resources.
Ini ang posible magtuga sang security risks kun pahanugotan ang pagbisita kadungan sang peak periods kaangay sang holidays.
Nahibaluan nga ang pagsulondan sang International Criminal Court ang nagadumili sa pagbisita kada paskwa, bag-ong tuig kag iban pa nga high-risk periods agud likawan ang paglapta sang mga ginadumilian nga items, sensitibo nga mga impormasyon ukon materyales nga mahimo makaapekto sa nagapadayon nga imbestigasyon.
