Ginpaathag sang isa ka legal expert nga dapat mangin responsable ang publiko sa mga ginapahayag kag ginapost sa social media.
Sa interview sang Bombo Radyo kay Atty. Adrian D. Devano sang Integrated Bar of the Philippines-Capiz Chapter, iya ginpahayag nga indi tanan nga pagpahayag ukon pagbatikos sa social media ang insigida nga mangin cyber libel, bangud may constitutional right ang mga Pilipino sa freedom of speech and expression.
Apang kinahanglan mahibaluan ang distinction sa tunga sang legitimate criticism ukon opinion kag factual accusation nga mahimo makahalit sa reputasyon sang isa ka tawo.
Suno kay Devano, mas sensitibo ang mga statement batok sa public officials, ilabi na kon ang kritisismo may kaangtanan sa ila performance kag official duties.
Pahayag pa niya, depende sa ginahimo kag ginapahayag sang user, kaangay sang pag-comment ukon share ang mahimo man nga mangin basehan sang liability.
Ginpahanumdom man nga ang pag-delete sang defamatory post wala nagakahulugan nga nadula na ang liability, ilabi na kon may yara sang ebidensya nga nagapakita nga na-publish na ang amo nga statement.
Dugang pa sang natungdan, antes mag-click sang “post,” “comment,” ukon “share,” kinahanglan anay siguruhon ang kamatuoran kag legal nga epekto sang ginapahayag agud malikawan ang posible nga kaso kag iban pa nga legal nga problema.
