Ginpanindugan sang isa ka legal expert nga makabig nga “red flag” ang 50 suspicious bank transactions nga may kaangtanan kay Vice President Sara Duterte, ilabi na sa tunga sang mga isyu sa impeachment proceedings.
Sa interview sang Bombo Radyo kay Atty. Ephraim Cortez, Presidente sang National Union of Peoples’ Lawyers, nga kinahanglan nga lantawon sang maayo ang amo nga mga transaksyon agud mahibaluan ang ginhalinan, kag katuyuan sang transaction.
(SENATOR JUDGE)
Suno kay Cortez, importante nga lantawon kag analisahon ang mga records sang mga transaction bangud mahimo ini nga isa sa mga factors nga ginatulok sa bagay sang posible money laundering, partikular kun may yara sang suspicious transaction nga indi gilayon mapaathag ukon wala sang bastante nga dokumentasyon.
Bangud sa sini nga mga ebidensya, masiling nga suno sa iya, bastante kag mabug-at ang mga ebidensya nga gina-uyatan sang piskalya agud ma-convict si VP Sara.
