Nagalaom ang isa ka legal expert nga makahatag sang madamo nga oportunidad sang trabaho para sa mga Pilipino ang ginaplano nga Pax Silica sa Pilipinas.
Sa interview sang Bombo Radyo kay Atty. Rodel Taton, Dean sang Graduate School of Law sang San Sebastian College-Recoletos sa Manila, iya ginpahayag nga dapat mangin responsive ang proyekto kag madisig sa local labor agud mas madamo pa ang mahatagan sang nagakinahanglan nga trabaho ilabi na sa mga lugar nga pagatukuran sini pareho sang Tarlac.
Suno kay Taton, apisar sa amo nga opurtunidad possible man nga magadala sang malain nga epekto sa komunidad ang amo nga proyekto bangud ginagamit sini ang tubig kag kuryente.
Dugang pa sang natungdan, posible man nga may mga mangunguma nga maapektuhan ukon ma-displace bangud sa proyekto.
Ginpayag man sini nga kinahanglan nga masiguro sang gobyerno nga ang pinakamadaku nga benepisyo sang Pax Silica ang magakadto sa Pilipinas kag indi sa Estados Unidos.
