Nagpahanumdom ang isa ka legal expert sa importansya sang pag-angkon sang ihibalo nahanungod sa proseso sang Filipino Citizenship sa pungsod.
Sa interview sang Bombo Radyo kay Atty. Salvigrace Billones-Gresola sang Intergrated Bar of the Philippines-Capiz Chapter, iya ginpahayag nga ang Filipino citizenship ang makuha pinaagi sa pagka-natural born ukon naturalization, kag mahimo man ini madula kon boluntaryo nga mag-renounce sang pagka-Pilipino ang isa ka tawo.
Apang sa idalom sang RA 9225 ukon Citizenship Retention and Reacquisition Act of 2003, ginahatagan sang oportunidad ang mga anay Filipino nga mapabilin ukon ma-reacquire ang ila citizenship.
Pahayag pa niya, indi na kinahanglan nga magbiya sang foreign citizenship ang naga-apply bangud Bureau of Immigration ang nagaproseso sang aplikasyon sa Pilipinas, samtang ang Department of Foreign Affairs nagabulig sa mga Filipino sa abroad paagi sa embahada kag konsulado.
Dugang pa sang natungdan, ang dual citizenship may yara nga responsibilidad, kaangay sang pagpanag-iya sang duta sa Pilipinas kag pagboto sa eleksyon, apang may mga limitasyon ilabi na sa pagdalagan sa puwesto sa gobyerno.
