Nagpahanumdom ang isa ka legal expert sa importansya sang pagkaayo sang mga civil registry documents kaangay sang birth certificate.
Sa interview sang Bombo Radyo kay Atty. Bea Deluis de Tomas sang Integrated Bar of the Philippines, iya ginpahayag nga ginapatuman ang Republic Act 9048 ukon Clerical Error Law, nga nagatugot sa pagpatadlong sang simple nga typographical errors, kangaay sang spelling sang ngalan, adlaw kag bulan sang pagkatawo, kag sex o gender, nga direkta na lang ginapaagi sa LCR.
Suno kay de Tomas, kun ang sala naga-apekto na sa legal nga identity sang isa ka tawo,kaangay sang birth year, citizenship, apelyido, legitimacy status, kag double registration,kinahanglan na ini mag-agi sa Rule 108 sang Rules of Court, kun sa diin kinahanglan na ang pagpasaka sang kaso sa korte.
Nagpahanumdom man ang natungdan sa publiko sa tamang proseso kag husto nga dokumento amo ang pinakaimportante agud malikawan ang mas mabug-at nga legal kag pinansyal nga problema sa palaabuton.
