Legal team ni ex-Pres. Rodrigo Duterte, kumpleto na

Nakumpleto na ang legal team ni Former President Rodrigo Duterte para sa hearing sang International Criminal Court.

Ginpahayag sang abogado sang anay pangulo nga si Nicholas Kaufman, nga posible sa adlaw sang Lunes ma-isapubliko ang mga pangalan sang legal team.

Dugang pa sang British-Israeli lawyer nga indi kaupod sa listahan si former presidential spokesperson Harry Roque.

Paathag sini nga nag-request si Roque sang political asylum sa the Netherlands gani indi ini mahimo nga makatambong sa mga hearing sa korte.

Una na nga ginpahayag ni Vice President Sara Duterte nga may ginahulat pa ini nga dokumento antes makabalik sa Pilipinas kun sa diin nagalaum ini nga makumpleto ang legal team sang amay antes ini magbiya sa the Netherlands.